Хоросол 200
Монос Эмийн үйлдвэр
Хоросол 200
800₮
Суулгалтын үеийн хөнгөн ба дунд зэргийн явцтай шингэн алдалтын үед эмчилгээний болон урьдчилан сэргийлэх зорилгоор хэрэглэнэ. Цочмог суулгалтын улмаас усгүйжсэн буюу ус-давсны тэнцвэрт байдал алдагдсан эмгэгийн үед хэрэглэнэ.
Нэг уут бэлдмэл нь натрийн хлорид 0.52 г, калийн хлорид 0.3 г, натрийн цитрат 0.58 г, глюкоз 2.7 г тус тус агуулна.
Нэг уут бэлдмэлийг 200 мл буцалгасан бүлээн усанд уусгаж хэрэглэнэ. Нярай болон бага насны хүүхдэд уусмалыг цэвэр аяга болон халбага, сироп эмийн дусаагуураар олгоно (хүүхдийн угжны саванд олгохгүй). 12-оос доош насны хүүхэд 50-100 мл-ээр 3-5 мин зайтай уулгана. Хөнгөн явцтай суулгалтын үед хоногт 40-50 мл/кг, дунд зэргийн явцтай суулгалтын үед хоногт 75 мл/кг-аар ууна. Нярай болон бага насны хүүхдэд 4-6 цагийн турш 1 цайны халбагаар 2-3 минутын зайтай уулгана. Энэ үед хөхөөр сайн хооллох хэрэгтэй. Хөхний сүү уух боломжгүй нярай болон бага насны хүүхдэд цэвэр усыг нэмэлтээр бага багаар өгнө. Эмчилгээний эхний үед бие махбод усгүйжсэн байдаг тул бэлдмэлийг өндөр тунгаар хэрэглэнэ.
Бэлдмэлийг халуунаар нь хэрэглэхгүй. Уутны бүрэн бүтэн байдал алдагдсан, хугацаа дууссан, өнгө хувирсан бэлдмэлийг хэрэглэхгүй. Бөөлжиж байгаа үед 5-10 минут хүлээгээд дараа нь бага багаар олон дахин дуустал нь уулгана. - Бэлтгэсэн уусмалыг 24 цагаас дээш хугацаагаар хадгалахгүй ба шаардлагатай үед дахин шинээр бэлтгэж хэрэглэнэ. Суулгаж байгаа үед хоол болон шингэн сайн уулгах шаардлагатай бөгөөд суулгалтын дараа нэмэлт хоол өгнө. Хөхөөр хооллож буй хүүхдийг суулгалтын явцад дор хаяж 3 цаг тутам хөхүүлнэ. Суулгалтын турш хөөрүүлсэн сүү болон бусад уух шингэнийг 3 цаг тутам өгнө. Суулгалт тогтохгүй 2 өдөр үргэлжлэх буюу биеийн байдал хүндэрвэл яаралтай эмнэлэгт хандах хэрэгтэй. Гаж нөлөө: Бэлдмэлийг нэг дор хэт ихээр уух үед бөөлжих тохиолдол гардаг тул бага багаар олон дахин дуустал нь уулгах нь бие махбодид сайн шингэж эмчилгээий үр дүнг сайжруулж, бөөлжилтийг зогсоодог.
