Цитрамон П 500мг №10

1 шахмал нь 0.18 г ацетаминофен, 0.24 г ацетилсалицилын хүчил, 0.03 г кофейн агуулна. Туслах бодисууд натрийн карбоксиметилт цардуул, магнийн стеарат, цардуул, какао, тальк

Насанд хүрэгчид 0.25-0.5 г-аар, хүүхэд 0.125-0.25 г-аар өдөрт 3 удаа хүрэлцэхүйц хэмжээний усаар даруулан ууж хэрэглэнэ. Бэлдмэлийг халуун бууруулах зорилгоор 3 хоног, өвдөлт намдаах зорилгоор 5 хоногоос илүү хугацаагаар хэрэглэхгүй ба үргэлжлүүлэн хэрэглэх бол эмчээс зөвлөгөө авна уу.

Элэг бөөрний өвчтэй буюу халдварт гепатитаар өвчилж байсан хүмүүс, цусны билирубин ихэссэн өвчтөн, цус алдалт болон цус өтгөрлийн эмгэг өөрчлөлтүүд, витамин К дутагдал, гемофили, цусны ялтаст эсийн тоо багассан үед, жирэмсэн, хөхүүл эхчүүд болон өндөр настан болгоомжтой хэрэглэх шаардлагатай. Ацетаминофен, ацетилсалицилын хүчил, кофейн болон найрлагад нь орсон бусад бодисуудад хэт мэдрэг хүмүүс, ходоод гэдэсний цус алдалт, элэг ба бөөрний дутагдал, цусны өвчнүүдийн үед, 3 сар хүртэлх насны хүүхэд хэрэглэхийг хориглоно